係我自己攞嚟衰，買咗Bert仔⋯⋯

其實點解小攤會落咗坑呢？事情經過係咁嘅⋯⋯...

係我自己攞嚟衰，買咗Bert仔⋯⋯

其實點解小攤會落咗坑呢？事情經過係咁嘅⋯⋯
話說某日，鄰居哥哥s嚟咗我哋屋企一齊玩，佢哋玩玩吓，我忽然聽到小攤好大聲咁講咗句：「Mirror Go!」我即刻打個突，點解我個女會識講Mirror Go? 我有冇聽錯，我哋屋企明明冇睇電視㗎？！跟住我再聽到啲名：Lokman、AK、Edan咁，我即刻成個彈起走埋去問佢點解會識Mirror，原來小攤上次去鄰居屋企玩時，三個小朋友自己喺度玩ipad，喺youtube search片睇，唔知點解會search到Mirror Go仲一齊睇咗好多集！然後，原來佢哋仲睇埋《考有feel》同《Error大冒險》！阿媽表示非常震驚！之後小攤成日同我講Mirror Go嘅內容，係咁同我講：「最好笑係Edan，我最鍾意佢，佢好蠢，好傻，係老鼠屎！」我因為同個女答唔到嗲有代溝，於是同佢一齊睇咗兩集Mirror Go，發現又幾好笑喎！

於是依家我會同小攤一齊睇viutv嘅節目，變成同個女零代溝，而有代溝嘅阿真會喺旁邊滴汗。

P.S. 話說阿真喺星期日晚默默咁加入咗圍爐group😌

---